Ayobile isi yo nkulumba uwa polisi ku kighaba ikya kululu kisu muno Commissioner Christopher Katani pa lukomano ulu atemile ba polisi palikimo na bakyulusi aba mwi boma lya Karonga.
Umwene atile ikyakulondiwa ikya lukomano ulu kyali kyakuti aba polisi na ba kyulusi aba mwi boma lya Karonga bamanye bope abamanye papo ingila lino pakikota iki.
Nukuti atile ukwendela pa lukomano ulu syaghiwe ukuti pali indamyo simo pakabombela kambombo iya ba polisi na ba kyulusi isi mwene asumile imbafu syosa isi ukubombela imbombo palikimo nukuti asimikisyile ukuti simo mwa ndamyo isi silipo bikuya pakweghapo akaghaba ukumasya.
Pakuyobapo yumo mwa bakyulusi aba balipo pa lukomano ulu Fortune Mhango Mwakabanga atile ukuya bakyulusi bikwagha fiyo ni ndamyo na kayilo aka ba polisi aba bikuya ma road block aba bati bikuleka ukubomba imbombo yabo bikwingilila imbombo iya ba MRA linga bikutumusania nubukyuluso bwabo.
Umwene atile ukwisa ukwa Commissioner Christopher Katani nulukomano ku kuya pa kubatula fiyo ukuti indamyo isi bikwaghana nasyo simalike.
Paumalikisyo uwa pakikota uwa ikifighililo ikya ntwaya (Community Policing mwi boma lya Karonga Felix Mwakyanjala atile ulukomano ulu lwali lwakulondiwa fiyo kangi apa sinangisye ukuti Commissioner Christopher Katani ayimenye imbombo yake.
Nukuti yope asumile abakyulusi ukubombela imbombo palikimo pakubatula aba polisi mbombo yabo fiyo iya kutwala ikifighililo nkaya.
Uwakusimba-Austin Sute Kayisi