Aba polisi ba kwa Jenda mwi boma lya Mzimba bapinyile Dominic Kamwambi uwa finja 46 nongwa iyakwinong’oneliwa ukuti aghiwe nifipolopolo amalughota buna(4), amawaya agha luko ulwa copper kangi na gun powder kusita ifikalatasi.

Unjobeli uwa polisi iya Jenda Macfarlen Mseteka atile Dominic Kamwambi apinyiwe ukukongesya abandu abakulondela ifinunu aba bababulile aba polisi ukuti Kamwambi ikusunga ifindu ifi nyumba yake apa ikighulila ukubuka nafyo kisu ikya Tanzania uku ikulisya ifyombo ifi.

Mseteka atile aba polisi babukile ku buyo ubu uku baye ku mwagha Dominic Kamwambi ikubatika ifyombo ifi mwighali lyake ilya luko ulwa Toyota Hilux ili nambala yake yo KA 8276.

Nukuti bati bo aba polisi bafikile pa buyo bula Dominic Kamwambi alalusiwe linga ali nifikalatasi ifyakwitikisiwa ukupimba ifyombo ifi loli bati umwene atoliwe ukusosya ifikalatasi ifi nukuti bati ikula ifyombo ifi kisu ikya Zambia nukuti alonda akulisye kisu ikya Tanzania.

Dominic Kamwambi uwa finja 46 ikufumila kaya ka mwalafyale Mwafilaso ku ntemi uwa batemi Kyungu mwi boma lya Karonga.

Uwakusimba-Austin Sute Kayisi