Abatata batatu aba yo Blessings Kaponda uwa finja 30, Timothy Kaponda uwa finja 39 na na Peter Ngwile Viyuyi wa finja 50.
Abandu aba bakoliwe pa 16 June 2025 nkabalilo ka 4 koloko ku mayolo apa aba polisi aba pa Karonga bali nulubatiko ulwa kukola abakyulusi aba bikwaghiwa na mafuta kisita fikalatasi pa town iya Karonga.
Bati bo bafikile pa office iya Agriculture mwakuketana na Petroda filling station yumo mwa uyu alongolile aba polisi alipinyile Blessings Kaponda nongwa iya kwaghiwa na mafuta agha Petrol ghakufwana 210 litres.
Nukuti bati Timothy Kaponda na Peter Ngwile Viyuyi basokomwike nukwisa ukufulungania imbombo iya ba polisi nikyolondiwa ikya kupima umwinabo.
Pakabalilo akakupoka umwinabo babili aba balyandile ukulwana na ba polisi nukuti aba polisi bafwanisye ukupinya Peter Ngwile Viyuyi apa Timothy Kaponda aye kwitwala mwene ku polisi.
Bosa bikusubiliwa ukwakubonekela kwi koloti kabalilo kalikosa ukwakwamula inongwa iya kwaghiwa na mafuta kisita fikalatasi kangi nukufulungania aba polisi pa mbombo yabo.
Blessings Kaponda na Timothy Kaponda bikufumila nkaya ka Mwalafyale Mwakasungula apa Peter Ngwile Viyuyi ukufumila nkaya ka Mwalafyale Malema 2 bosa ku ntemi uwa batemi Kyungu mwi boma lya Karonga.
Uwakusimba-Austin Sute Kayisi