Unjobeli uwa polisi mwiboma lya Karonga Magret Msiska asimikisye iya kupinyiwa ukwa Bibo Mwazolokela uyu bati apinyiwe pa 27 March 2025 uyu ikwinong’oneliwa ukuti abongongwile ikigayo ikya mpunga ikya Ngeresi kubuyo ubwa kusokela ubuswa ubwa mpunga nukwingila nkati.
Nukuti isiku ilya pa 27 March uwakubomba imbombo iya kugaya pakigayo iki Joseph Mwakisambala bo ingile kigayo iki aswighile bo extension iyakuti a chajepo ilyamya yake yitukuboneka.
Buyo mwakulonda kigayo mula Mwakisambala asyaghile ukuti iloghota limo ilya mpunga nalimo pa maloghata mahano agha ghali kigayo iki.
Nukuti ukufwana na masyo agha Mwakisambala alibulile umwene kigayo iki isya kuyonga ukwa iloghota ili isi alyandile ukulonda umpunga ughu mwakutulana na bandu bakaya ukufikila yumo alibulile umwene kigayo ukuti Bibo Mwazolokela ukulisyagha umpunga pa tengo unandi uwa 50,000 pi tini buyo ubwa 70,000 kwacha.
Umwene kigayo uyu alimwaghile Bibo nukundalusya isya umpunga ughu ulisyagha loli akalyamwike kanunu umma isi syapelile ukuti abandu bakaya bande ukukoma.
Msiska atile ukuya ba polisi babopileko nakalinga nukwakumwegha Bibo nukwanda ukundalusya nukuti alitike ukuti ibile iloghota ilya mpunga uwa busito ubwa kufwana 90kg.
Bibo Mwazolokela ikufumila nkaya ka mwalafyale Mwafilaso ku ntemi uwa batemi Kyungu nukuti ikwakubonekela kabalilo kalikosa ukwakwamula inongwa iya kubongola nukwiba .
Uwakusimba-Austin Sute Kayisi