Aba polisi mwi boma lya Karonga bapinyile tata uwa finja 28 Enock Mwakasoko nongwa iya kwinong’oneliwa ukwaghiwa na mafuta agha luko ulwa petrol agha bwingi ubwa kufwana 280 litres kisita fikalatasi ifya kwitikiwa.

James KaongaOctober 11, 20250176 views

Unjobeli uwa polisi iya Karonga Magret Msiska atile Enock Mwakasoko apinyiwe pa 29 September 2025 nakabalilo ka 11 koloko ku lubunju.

Umwene atile Mwakasoko apinyiwe ukufwana na bandu abakulondela ifinunu aba baye kuyoba ku polisi ukuti Mwakasoko ikusunga mafuta agha luko ulwa petrol nyumba yake.

Nukuti bati Enock Mwakasoko alyaghiwe nkaya ka mwalafyale Mwambuli ni fidumu ifya mafuta ifyakufwana ilongo limo na madumu buna(14) ifya busito ubwa kufwana 20 litres.

Enock Mwakasoko ikwakubonekela kabalilo kalikosa ukwakwamula inongwa iya kwaghiwa na mafuta kisita fikalatasi ukufwana ni ndaghilo isya kisu iki.

Uwakusimba-Austin Sute Kayisi

Abakyulusi aba mwi boma lya Karonga basimikisiwe ukuti basubileghe ikifighililo ikyakufwana pa bukyulusi bwabo ukwenda ku polosi iya boma lya Karonga.

Aba polisi mwi boma lya Karonga bapinyile tata uwa finja 26 Undule Mwakikunga nongwa iya kughonana nu mwana udindwana uwa finja 9 uyu yo mwana wa bapamalani nkaya ka mwalafyale Mwambuli mwi boma ili.

Related posts

Abalobaswi bahano na yumo (6) aba bayongile pa sumbi bo babukile ukwakuloba kilo ikya 11 March 2026 mwi boma lya Karonga baghiwe mayolo pa 14 March 2026.

Ikoloti ilya Karonga First Grade Magistrate litumwile tata Edward Mwakamogho uwa finja 56 ukwakwitugala ku nyololo ifinja ilongo limo nifinja fihano nakimo (16) pakwagiwa ninongwa iya kugona umwisukulu wake uwa finja fitatu.

Udumyana uwa finja 17, Francis Msiska afwile bo akomiwe nikokiwa na bandu abakalale nongwa iya kwinong’oneliwa ukuti alibile inguku nkaya ka Mwalafyale Mwanganda mwi boma lya Karonga.