Ukufwana ni njobeli uwa polisi mwi boma lya Karonga Margret Msiska atile babili aba bali bandu bakulwana kabalilo nukuti bati pa 27 October balwene kangi nukuti Siyeni Mwambetania alikomile nukufulasya Fishani Kahonge nukubopa.
Msiska atile Kahonge abuke ukwakuyoba ku polisi nukubuke nawe ku kipatala uku aba balimwaghile ukuti afulele fiyo ikiboko ikimama.
Nukuti bati bo Kahonge ikughomokako ku kipatala alyaghene nawe kangi 31 October na Mwambetania uyu bati alimongelile kangi ukukesa unine uyu nu panga pa liboko kila kila nukufulasya kangi fiyo.
Nukuti bati aba polisi balyambilile ubufumisi ubu kangi babopileko nukupinya Mwambetania apa Kahonge balidambalike pa kipatala ikinywamu ikya Karonga uku ikwambilila ubutuli ubwa mikota.
Siyeni Mwambetania ikufumila nkaya ka Mwalafyale Mwambetania ku ntemi uwa batemi Kyungu mwi boma lya Karonga nukuti ikughuliliwa ukwakubonekela kwi koloti kabalilo kalikosa ukwakwamula inongwa iya kufulasya umundu.
Uwakusimba-Austin Sute Kayisi