Unkulumba uwa sukulu iya Great Scholars Academy Brave Billy Sambo yo uyu ayobile amasyo agha pa lubatiko ulwa kulaghilana na bana(Graduation) aba form 4 pa sukulu iyi.
Umwene atile ulubatiko ulwakughilana(Graduation) luleke ukubeghela ukuya po ba malile isukulu loli babaghile ukuti biyimile pakubala ukuti basabombe kanunu pa ngelo syabo.
Umwene abakasisye fiyo kangi abana aba ukuti bakaye bandu bakwipoka pakabalilo akalutusyo ukusita ukubomba akayilo akabibi.
Pakuyobapo Lapken Liwago unkulumba uwa kwenesya isya banyela mwi boma lya Karonga uyu ali hesya ugindikiwa palubatiko ulu asumile abanyela aba ukuti baye bandu bakubikapo indumbula pa fimanyilo ukuti basaye bandu bakwiyimila pabene.
Umwene ongelile ukuti abanyela aba babaghile ukwipoka kangi kukayilo akabibi aka kangabafulungania ubumi bwabo.
Nukuti unkulumba uwa bana ba sukulu(Head boy) pa Great Scholars Academy Festus Wituletasi Mwenemanja akasisye abinake ukubikapo amaso pa fimanyilo pa masiku agha ghesyele ukuti basimbe ingelo syabo nukuti atile abene bikuya pakufyuka kanunu fiyo ukulenisya na binabo aba basokangapo.
Abana bakufwana 154 bo aba bikusubiliwa ukusimba ingelo isya kilasi ikya Form 4 pa sukulu iya Great Scholars Academy mwi boma lya Karonga.
Uwakusimba-Austin Sute Kayisi
