Ukufwana nu njobeli uwa polisi mwi boma lya Karonga Magret Msiska atile abandu aba yumo afwile pa 28 October 2025 kumayolo apa yumo afwile pa 29 October 2025 ku lubunju.
Umwene atile Keffasi Luwemba uyu ali ndobaswi kwa sumbi abakopisye abandu bamo aba nkaya iswi nukuti isiku ili bapilikene ukuti lyo babikile indalama abukile ukwakwegha uku bati aghomwike itolo kisita ndalama .
Nukuti amasyo agha Keffasi Luwemba abukile nagho ku wise na ku bandu bamo aba nkaya.
Nukuti bati bo alimwene pakaya syalyaghiwe ukuti Keffasi Luwemba ipinyilile ku mwanya ku nyumba yabo uyu alyaghiwe nutani wake uyu alimwabwile nukubuka nawe ku kipatala ikya Lwezga uku aba kipatala basimikisye ukuti afwile.
Nukuti bati Fred Mhango ali nulubatiko ulwa ku kosya ingerwa isya kuyengela inyumba yake nukuti abakamu bake basangwile indalama isya kutula ukuti akosyele ingerwa isi.
Loli bati pa 29 October 2025 ku lubunju abakikolo bali bandu bakudalisya isya lubatiko ulwa kukosya ingerwa ukuti sili poki po umwene bati buyo ubwa kwamula asokilepo nukubuka nyumba iya tata wake nukwakwipinyilila ku mwanya ukwa nyumba uyu bati alyaghiwe nulumbu wake.
Nukuti imibili yosa yaye kupimiwa pa kipatala ikinandi ikya Chilumba uku abaghanga baye kusimisya isya kuti abandu aba bafwile nongwa iya kutoliwa ukutuya.
Keffasi Luwemba uwa finja 27 afumilagha nkaya ka mwalafyale Malongo apa Fred Mhango uwa finaj 25 afumilagha nkaya ka mwalafyale Katenthenga ku temi Wasambo mwi boma lya Karonga.
Uwakusimba-Austin Sute Kayisi
