Nukuti abandu aba yo Enest Mwenenjawa uyu isakwimila kighaba ikya Kaluma North,Wakisa Mwalukazingo uyu isakwimila kighaba ikya Kaluma South,Sute Mwakasungula uyu isakwimila kighaba ikya Rukuru North na Timothy Mwahimba uyu isakwimila kighaba ikya Rukuru South.
Pakuyobapo kabalilo aka binangisyagha ku kipani iki Timothy Mwahimba atile ukufwana ni mbatiko isya kipani ikya UTM syo simo sipilile ukuti ise imile ikipani iki pa fisalo ifya pa 16 September ikinja.
Nukuti Sute Mwakasungula atile umwene mundu nkulu fiyo kipani iki ukufuma apa kyalyandile nukuti ighile imbatiko syosa isya kipani iki fiyo isya kitukuko ukuti syo isakubomba ku kighaba kyake linga isile ukusaliwa ukuya kasalala uwakulubafu ulwa Rukuru North.
Pakuyobapo pakabalilo akakubambilila uwa pakikota uwa kipani ikya UTM pa Karonga Town atile syakuhobosya fiyo papo ikipani kyake kifwanisye ukuya na makasalala fighaba ifya pa Karonga Town isi bati ifipani fimo fikaya na makasalala agha kwimila pa kisalo ikya pa 16 September fighaba ifi.
Uwakusimba-Austin Sute Kayisi
