Banthu bakukwana pafupifupi 52 wa mugulu la LUSOKO kuwa VH Kafikisira 2 wapokera wovwili wa ngongole za fetereza,mbuto kufumira ku wupu wa NEEF kuti walime ulimi wa chihanya.

Pakuyoghoya na yumoza mwawalala kufumira kufumira ku wupu wa NEEF pa Branch ya boma la Karonga wa Lumbani Mayuni wati wachiwona nchakukhumbikira chomene kovwira gulu la Lusoko kuti wakhale na chakulya chakukwanila chakusazgikila.

Ndipo walomba mulangizi wavigawa vya Malungo na Muchenyenthero kuti wenderenge nakuwalimbikiska wanthu wamuguli ili kuti walimbikire paulimi wawo nakuti wati wapereka mathumba gha fetereza wa UREA na NPK ghakukwana 139.

Ndiposo nawo wapachitengo wa Lusoko Club wa Steven Mwamlima wati wana chikondwero chikulu pakupokera ngongole wa fetereza uyu kufumira ku wupu wa NEEF ndipo walomba wanthu wamu club iyi kulimbikira nakuzakawezga ngongole iyi kuti wanthu wanji wamadera ghanyakhe nawo wazapindule.

Nakuti pakuyoghoyaposo na Mlangizi wakulawiska vya mbuto kuvigawa vya Malungo na Muchenyenthero wa Novis Kayange wawonga boma kwendera ku wupu wa NEEF pakupereka ngongole iyi  ndipo walomba walimi wamu club iyi kukhala na chakulata pangongole iyi kuti yiwovwire kuchepeska njala pachikaya.

Paumaliro nawo wa VH Kafikisira 2 wati mbakukondwa na wovwili uwu muchikaya chawo apo wati ka ya kakwamba kupoka wovwili uwu kuti walimenge katatu kuti wachepeske njala muchikaya chawo.

Wakulemba Thom Tommy Nyirenda