Wayowoya ivi ni wachiwiri kwa mulongozgi wa chipani cha NDP wa Dr Chikondi Mpokosa mayilo pa nkhumano za kuchezga na wanthu kwa Mwanjabala na Lupaso mu boma la Karonga.
Iwo wati wanthu wanandi awo mu vigawa vyawo mukuchitika ntchito za migodi wakupindula yayi chifukwa ndalama zikufikila dakha kulikulu nakuti wanthu awa wakutondeka kupindula chifukwa ndalama zikulyeka waka na walala walala.
Nipo wasimikizgila wanthu kuti chipani cha NDP chizamumilila pa chenkha pa visola vya pa 16 September 2025.
Nayo uyu okhumba kuzakamilila nawo nge khasalala ku chigawa cha Kaluma North wa Myness Chipolopolo Mwalweni wati pala wazakasoleka wazamuoneseska kuti masambilo yalute pa nthazi ku chigawa chakhe kweniso kukwezga boma la Karonga pa nkhani ya vitukuko apa kwasono ni Karonga Town.
Wakulemba-Austin Sute Kayisi
