Ayobile isi yo wakibili ku dongosi uwa Diocese ya Karonga Monsignor Laurent Dziko pa lubatiko ulwa kwikakikisya umpalano uwa Bishop Peace Trophy uwa ndalama isya kufwana 20 million kwacha.
Umwene atile bikakikisye umpalano ughu nikyolondiwa ikya kubapa abanyela ikya kubomba ukusita ukubomba ubufulunganifu ntwaya.
Nukuti kangi umpalano ughu yo njila yimo iyakuti abanyela babaghile ukwipoka ku miywegho iyi yikwisa nongwa iya ndyale apa ikisu iki kikwitendekesya ukuya nifisalo pa 16 September ikinja iki apa lino bapeliwa ifya kubomba.
Pakuyobapo uwa pakikota uwa kwenesya ifyanyangalo ifya mpira wamalundi uwa nyela mwi boma lya Karonga Mavuto Luhanga andaghisye fiyo Diocese ya Karonga pakutwala kangi umpalano ughu ikinja iki.
Nukuti yumo mwa bakulumba kulumba ku kibughatila ikya ikya Malawi National Council of Sports Peter Alufeyo Banda atile ukwisa ukwa mpalano ughu ghukuya pakupungusya akayilo aka miywegho papo abanyela baya nikyakubomba isi kangi bikusubila ukuti amatimu mingi bikuya pakuya nulusako ulwa kubagha abakinaji aba mpira abanunu abakuti bakakineghe ku matimu ghabo.
Nukuti yope bati ikuya pakongelelapo indalama isya kufwana 1 million kwacha pa mpalano ughu.
Amatimu ghakufwana 52 gha mwi boma lya Karonga gho agha ghikusubiliwa ukukina mu mpalano uwa Bishop Peace Trophy
Uwakusimba-Austin Sute Kayisi