Gulu la Illola youth Solidality Workers lapereka wovwiri wa paketi la sugar na soap kuwathu wachekulu,walumali na walanda wakufumira muvikaya vya Kwiyula,Mwaleba 2 na kwa Luhimbo muboma la Karonga.

Pakuyoghoya na wapachitengo wa gulu ili wa Edwin Mwaipape wati wanguchitola kuti ntchakwenera kupereka wovwili chifukwa chakuti wati vinjeru viweme vikufumira ku wanthu nge wachekulu,walanda na walumali ndiposo wati pa fumu yiliyose wasolanga wanthu wakukwana wankhonde nakuwapasa wovwili wa sugar na soap munthu waliyosa.

Wa Mwaipape wati wovwili uwu niwa ndalama zakukwana K100,000 izo zafumira munthumba mwawo ndipo walomba wanthu wakhumbilo liweme kovwilapo pa ntchito iyi kuti wakwaniskeso kufikila vigawa vinyakhe.

Nakuti wachiskaso magulu ghawabukilano kutolapolwande ngeti umo iwo wachitila.

Ndipo pakuyoghoyaposo na wanthu awo wakapokera wovwili uwu Rodrick Sichoni wakufumira muchikya cha Kwiyula na mama Marita Mwanyongo kufumira muchikaya cha Luhimbo wati wanachikondwero chikulu na wovwiliuwo wapokera kufumira ku gulu la Illola Youth Solidality Workers ndipo walomba chiuta kuwatumbika wanthu wamugulu ili.

Nakuti paumaliro pakuyoghoyapo na mwimilili wa VH Kwiyula wa Morris Mzinza Kifungwe wati wakukondwa na ivyo wachita wa gulu la Illola Youth Solidality Workers pakwiza na wovwili uwu ndipo wati muchikaya chawo wakuyezeska kuti wusange wovwili wafika muchikaya chawo wuwafikireso wanthu wamaulumali ghakupambana pambana.

Gulu la Illola Youth Solidality Workers likusangika muchikaya chawa GVH Mwambuli 2 Galiyoni ndipo lina wanthu wakujumpha 20.

Wakulemba: Thom Tommy Nyirenda