Unkulumba ukwenesya isya bulimi mwi boma lya Karonga Youngs Alfred Nyirenda yo uyu ayobile isi pa lukomano ulu lwatendekesiwe na bakulumba kulumba ukufumila fighaba ifya kindana kindana aba mwi boma ili nikyolondiwa ikya kubamanyisya isya lwenesyo ulu lukuya pakubombiwa kulubafu ulu.
Nyirenda atile abalimi bikuya pakukaba ukwendela mulwenesyo ulu papo abalimi bikubombesyela imbombo amisi kisita kwitikisiwa polelo linga bisile ukumalisya ulubatiko ulu bisakwagha injila isya kutulila abandu aba bitikukaba umma ni scheme iyi ukuti bope bapeliwe ulusako ulwa kubombesyela amisi agha.
Umwene atile bo bakali bakanda isya lwenesyo ulu bikuya pakuya tasi ningomano isya kumanyisya abandu aba basyungutile scheme iyi ukuti bamanye isya kupalamasya ulubatiko ulu.
Ulwenesyo ulu lukuya pakubombiwa nubutuli ubwa ndalama ukufumila ku kibughatila ikya Japanese International Cooperation Agency-JICA.
Uwakusimba-Austin Sute Kayisi