Poyobapo pa lubatiko ulu lwabombeliwagha pa sukulu iya primary iya Rukuru unkulumba uwakibughutila ikya FOCUS Cosam Munthari atile babikile imipila iyi ukuya yo njila yimo iya kukasya abana abalindwana ukuti basite ukulekesyela i sukulu pa njila ukufwa nulubatiko ulu bikubomba ukwa Child Not Bride ulu lukubombiwa kulubafu ulu.
Munthari asumile abapapi ukuti babakasyeghe abana pa masyo gha sukulu ukuti abana baleke ukweghiwa pamo ukwegha bobakali bakeke.
Nukuti asumile kangi abalongosi abakulindana kindana ukweghapo ukupakikisya linga bikwambilila ubutuli ukufumila ku fibughatila ifyakukindana kindana.
Nukuti uwa kibili ku nkulumba uwa bamanyisi pa sukulu iya Rukuru primary Ivy Chagoma atile balinubuhofu fiyo nubutuli ubu bisile nawo aba Focus ubwa mipila isi bati sikuyapatula ukuti abana bingi biseghe ku sukulu kangi nukufyusya ubupakasi bwabo ubwa kukina umpila.
Poyobapo Principal G.V.H Mweniyumba atile ubutuli ubu abwambilire nubuhobofu nongwa yakuti bupakukasya abana ukuti bikasyeghe ukubuka ku sukulu kangi asumile abamanyisi na banyafyale aba basyungutile isukulu iyi ukupakikisya impila iyi
Ikibughatila Kya FOCUS kikubomba ulubatiko ulwa Child Not Bride ku ntemi STA Mwilang’ombe na ku Ntemi uwa batemi Kyungu mwi boma lya Karonga nubutuli ubwa ndalama ukufumila ku Plan Malawi.
Uwakusimba-Tamandani Kasuka Mboma