Pakuyobapo paumalikisyo ubwa fimanyilo ifya masiku mahano (5) Robert Silungwe yumo mwa bakulumba kulumba ukufumila ku kibughatila ikya FOCUS atile batendekisye ifimanyilo ifya mbombo isya baboko kangi na kendesyelo ka bukyulusi nikyolondiwa ikyakuti abanyela bayeghe ba kwiyimila pabene.
Silungwe atile bali nulusubilo ukuti ubupakasi ubu babikile ku banyela aba ubumi bwabo bukuya pakwanduka papo bakali ni fyakubomba.
Pakuyobapo na yumo mwa banyela aba balipo pa fimanyilo ifi Chikosa Mwagomba andaghisye ikibughatila ikya FOCUS ukufwana ni fimanyilo ifi bamanyile papo ubumi bwabo bukuya pakwanduka fiyo ntwaya ubu bikufuma.
Nukuti unkulumba uwa kibughatila ikya TEVET ku kighaba ikya ku mpoto Joseph Chikopa asumile abanyela aba bamanyile ifimanyilo ifya bupakasi ubwa maboko ifi ukufibombesyela imbombo ukuti baye bandu bakwiyimila pabene ukuti bope baye bandu bakubatula kangi abinabo ukubasimba imbombo.
Ikibughatila ikya FOCUS kyatendekisye ifimanyilo ku banyela aba bo ifya kutendekesya ifutukutuku,ukutendekesya imipopi,ifya ku khoma khoma ni fyabuyengi ukwendela mulubatiko ulwa Child Not Bride ulu lukubombiwa ku Ntemi uwa batemi Dr Kyungu na kwa STA Mwilang’ombe.
Uwakusimba-Austin Sute Kayisi
