Ng’oma ayobile masyo agha palubatiko ulwa kwendela umugodi uwa Kayelekera mwi boma lya Karonga ughu ghukwendesiwa na Rotus Resources African Limited.
Nukuti asumile kampani iyi ukuya pabwelu pa mbombo syabo ku bandu aba kisu iki.
Umwene atile linga umugodi uwa Kayelekera wandile ukubomba imbombo ikisu iki kikuya pakwanda ikukaba fiyo papo gho migodi ghumo unywamu fiyo kwa migodi iyi yili Malawi muno.
Pakuyobapo untemi uwa batemi Dr Kyungu asumile abapelelesi ukuti babaghile ukusimba isya bwanaloli isi bati singatula ukufyusya abakubomba imbombo iya mugodi kulubafu ulu nukufyusya ikisu iki pa kyuma.
Nukuti unkulumba uwa kampani iya Rotus Greg Bittar atile imbombo yabo yikabile ukwanda ku buyo ubu nongwa maghali ni fyombo fyabo ifi fikoliwe kabalilo na Malawi Revenue Authority (MRA).
Uwakusimba-Austin Sute Kayisi
