Wayowoya ivi ni musambizgi mlala wa pa sukulu ya Karonga CDSS wa Haward Kumwenda apo wa Daniel Mwanyongo Chitonya uyu wayimilenge nge mwimilili wa ku mphala ya malango ku chigawa cha Karonga Town pa 16 September 2025 wendelenga vitukuko mu ma sukulu ya mu chigawa ichi.
Wa Kumwenda wati ku wikapo mtima kweniso kutolapo lwande kwa balongozi pa vitukuko ivi vikuchitika ma sukulu vingavwila chomene ku mazga masuzgo aya yakusangika ma sukulu nge umo wachitila Daniel Mwanyongo Chitonya pa mulimo uwu wachita.
Kumwenda wati pa sukulu ya Karonga CDSS pa kuchitika vitukuko vya kuzenga Hall yakulembelamo vilingwa wana chifukwa chijulileni sukulu iyi walije malo ya kulembelapo vilingwa.
Iwo watiso umo wakambila kuzenga Hall iyi wa Daniel Mwanyongo Chitonya wakhala wakuwa vwila chomene ndipo waonganso na ovwili wa ndalama zakukwana 200,000 kwacha izi wapelekanso pa chitukuko ichi.
Pakuyowoyapo wa Daniel Mwanyongo Chitonya wati wanguwa na mulimo wa kwendela ma sukulu mu chigawa ichi na kuvwilapo.
Iwo wati vyakukhumbikwa chomene kutolapo lwande pa vitukuko mu masukulu nipo wati pa mulimo uwu wapelekaponso ovwili wa Cement na mathabwa pa sukulu ya Baka primary, Cement pa sukulu ya Karonga CCAP primary na Karonga CDSS.
Nipo wapemphanso wanthu wakhumbilo liwemi kutolapo lwande kovwilapo mu masulu aya pa vitukuko ivi vikuchitika na chakulata cha kumazga masuzgo aya wakusangana nawo.
Wakulemba-Austin Sute Kayisi
