Aba polisi mwi boma lya Chitipa bapinyile tata Saulos Mtambo uwa finja 42 wa nkaya ka Mwalafyale Adam 3 nongwa iya kumwinong’onela ukuti akomile nukughogha unkasi wake.
Ukufwana nu wakibili ku njobeli uwa police mwi boma lya Chitipa Sergeant Rabson Mkandawire atile Saulos Mtambo nu nkasi wake babukile ku sokoni iya pa Soperera pa kihano uku balyandile ukunwa ubwalwa pa buyo bumo.
Bati akabalilo kamo unkasi wa Mtambo asokile panja ukuti akatusye nukuti bo ikughomokako alyandile ukwangala nu nyambala yumo iki kyalikalalisye Mtambo nukuti alyandile ukukagha nukukoma mpaka ku nyumba yabo uku kope akindilile ukukoma unkasi wake.
Nukuti nubunju bwake Mtambo alyaghile ukuti unkasi wake atikutuya umma poapo amenye ukuti afwile ubogha bwali kolile nukuti alinongwine kuti ighoghe pakwipinyilila kulisu pa bupipi ni nyumba yake loli abandu bali mwaghile nukupoka.
Abandu aba nkaya bababulile aba polisi aba balikolile nukupinya Mtambo uyu kwalino ikughulila ukwakubonekela kwi koloti ukwakwamula inongwa iya kughogha.
Nukuti isya kusoka ukufumila ku ikipatala syanangisye ukuti upisi unkasi wa Mtambo afwile nongwa iya kufulala fiyo ku mutu.
Saulos Mtambo wa nkaya ka Mwalafyale Adam 3 ku ntemi Kameme mwi boma lya Chitipa.
Uwakusimba-Austin Sute Kayisi
