Ukufwana nu njobeli uwa police mwi boma lya Karonga Margret Msiska atile isi sibombiwe pa 12 August 2025 nkabalilo ka 07:00.
Msiska atile umwene lamya (phone) Amad Chipeta ayilekile lamya (phone) yake mu nyumba nubuka ku trading center amulekile Mvula pakaya uyu yo nkamu wakasi wake.
Nukuti bati bo ikughomikako alalisiwe nu nkasi wake ukuti linga apimbile ilamya (phone) yake isi Chipeta akanile nukuti alimwinong’onile Mvula papo akabonike kuno alingilile pa kabalilo ako.
Mvula akabonike ukufikila pa 14 August 2025 apa aye kwaghiwa kwa mbuya wake.
Nukuti Chipeta ababilile aba polisi aba nkaya aba balikolile nukuti abandu bankaya balikomilemo bo bakali bakabuka nawe ku polisi.
Mvula alalisiwe ku polisi uyu alitike ukuti alibile ilamya (phone) iyi nukuti alyulisye ku Kaporo pa ndalama isya kufwana 100,000 kwacha nukuti indalama bati alyandile ubukyulusi(business).
Francis Mvula ikufumila nkaya ka Mwalafyale Mponda ku ntemi STA Kilupula mwi boma lya Karonga nukuti ukwakubonekela kwi koloti kabalilo kalikosa ukwakwamula inongwa iya kwiba ukufwana ni ndaghilo isya kwendesyela ikisu iki.
Uwakusimba-Austin Sute Kayisi