Unjobeli uwa polisi iya Karonga Magret Msiska asimikisye isya masyo agha nukuti atile bati tata Edward Mwakamogho alayandile ukughonana nu mwana uyu umwesi uwa June 2024 ukufikila umwesi uwa February 2025.
Umwene atile aba papi aba mwana uyu bakindene pa nyegha kinja ikya 2023 pa nongwa isya munyegha nukuti mama uwa mwana uyu abwelile kumyabo na banake babili nukuti bati ikinja ikya 2023 kilakila abakukinyambala babukile ukwakulamba nukuti nukwakweghako abana.
Bati umwesi uwa February 2025 yuba uwa mwana uyu abukile ku mwisukulu uwa mwana uyu nukwakweghako yope abana ukuti akitughalepo nabo.
Nukuti bo bikwitughala na yuba wake umwana uyu alilagha linga ukubika ukwakutunda na ku kibusu isi mama uyu ali ketesisye umwana uyu kubuyo ubufisiwa uyu abati asyaghenie ukuti simo sibombiwe ku buyo ubwa mwana uyu.
Umwana uyu alidingenie yuba wake isi umwisukulu wake abombelagha pakughonana nawe ukufuma kunyuma isi yuba wake syali pele ikitima fiyo uyu abukile na masyo agha ku polisi iya inandi iya Kaporo aba balikolile nukupinya tata uyu.
Nukuti bati isya kusoka isya kukipatala ikya Karonga sinangisye ukuti umwana uyu afulasiwe fiyo kubuyo ubusisya na tata uyu.
Edward Mwakamogho wafinja 56 ikufumila nkaya ka mwalafyale Benjamin Chawinga ku ntemi Kilupula mwi boma lya Karonga nukuti ikwakubonekela kwi koloti kabalilo kalikosa ukwakwamula inongwa iya iya kughonana nu mwana unandi ukufwana ni ndaghilo isya kwendesya ikisu iki.
Uwakusimba-Austin Sute Kayisi
