Mwenifumbo ayobile masyo agha palukomano ulu atendekisye kwa mwalafyale Kafikisila ku ntemi uwa batemi Kyungu mwi boma lya Karonga.
Umwene atile ukwisa kubuyo ubu kokumbusya abandu aba nkaya aka ukuti basasale abalongosi aba kipani ikya NDP pa kisalo ikya pa 16 Sptember 2025 nikyolondiwa ikya kuti basabombe ifitukuko ifya kukindana kindana ifi abandu bikufilonda nkaya kabo ukwndela kubulongosi bwake kangi na bimilili aba kunyumba iya ndaghilo kangi na makaslala aba kipani ikya NDP.
Nukuti atile ali nubuhobofu fiyo na muno abandu bamwambilile nkaya aka uyu asumile abandu ukuti basasale umwene ukuya dongosi uwa kisu iki nukuti pa kikota ikya kasalala basasale Myness Chipolopolo Mwalweni uwa kighaba ikya Kaluma North na Golaz Mpeketuka ukuya mwimilili uwa kighaba ikya Karonga Town.
Pamulaikisyo Mwenifumbo abikile kangi ubutuli ubwa ndalama isya kufwana 200,000 kwacha isya kutendekesyela CBCC iya Mwambelo.
Pakuyobapo yope uyu ikulonda ikikota ikya bukasalala ku kighaba ikya Kaluma North Myness Chipolopolo Mwalweni yope asumile abandu aba kulubafu ulu ukuti basasale umwene pakikota iki nikyolondiwa ikyakuti afyusye ulubafu ulu pa masyo agha fitukuko.
Nukuti atile umwene asalile ukwimila ikipani ikya NDP ukwendela mwa Frank Tumpale Mwenifumbo papo masya njala,wa kitukuko kangi mwana witu wakunokuno nikyolondiwa ikya kubombela palikimo imbombo isya kitukuko.
Uwakusimba-Austin Sute Kayisi
