Pakuyobapo umwalafyale VH Mwambuli pakabalilo aka bamo mwa bakulumba kulumba ukufumila ku kaselo iya boma lya Karonga babukile ukwendela ululalo ulu atile amisi aghakuteka gho ghapelile ukuti ululalo ulu lupanguke.
Umwene atile ululalo ulu lupangwike nongwa iya kuteka kwa misi ukufwana ni fula iyi yitimike fiyo kulubafu ulu isi sipelile ukuti abandu aba bikubombesyela usebo ughu batamiwe ukubuka bo ku fipatala,ku figayo na kubukyulusi bwabo.
Nukuti andaghisye fiyo ku mwimilili wa ku nyumba iya ndaghilo kulubafu ulu Mungasulwa Mwambande ukulima usebo ughu kangi ni ndalo simo isi siyengiwe ukwendela mu boma.
Pakuyobapo uwakibili ku wapakikota uwa kaselo iya boma lya Karonga King Mvula atile ikuya pakuyobesania na bakulumba kulumba kwi kaselo nikyolondiwa ikyakuti batendekisye ululalo ulu ukufwana na muno babukile ukwakuketa.
Nukuti umwimilili uwa ku nyumba iya ndaghilo kulubafu ulu Mungasulwa Mwambande atile apalamasiwe fiyo nu lulalo ulu nukuti ikuya pakweghapo akaghaba ukuti lultendekesiwe mwanakalinga ukuti abandu bendengepo.
Mwambande asimikisyile abandu abakulubafu ulu ukuti bayeghe itolo lusubilo ukuti ululalo ulu lukuya pakuyengiwa bo muno simo siyengeliwe papo iboma lisimikisyile ukuti indalama syaghiwe lino.
Uwakusimba-Austin Sute Kayisi