Isi silo bo ulu apa Daniel Mwanyongo Chitonya eghilepo akaghaba ukutendekesya DANIDA pa sukulu iya primary iya St Agnes kwa Mwalafyale Mwakifwamba ku Ntemi uwa batemi Dr Kyungu mwi boma lya Karonga.
Pakuyobapo nu nsungi kyuma ku komiti iya SMC pa sukulu iya St Agnes Catherine Msiska atile okonandika ukwa DANIDA uyu bapalamasiwe fiyo pa masyo agha kusita ukuya na misi pa sukulu iyi kangi na bandu aba basyungutile sukulu iyi.
Umwene andaghisye fiyo Daniel Mwanyongo Chitonya pakweghapo akaghaba ukubatendekesyela DANIDA papo bati linga pa sukulu amisi ghakayapo iboma libaghile ukwighala isukulu.
Nukuti asumile kangi Daniel Mwanyongo Chitonya ukubakumbila DANIDA uyungi kulubafu ulu papo bati abandu abantwaya bosa bikubombesyela DANIDA uwa pa sukulu uyuyu.
Pakuyobapo na Daniel Mwanyongo Chitonya atile syakulondiwa ukutendekesya DANIDA uwa pa sukulu iyi pakupoka abana kangi bati amisi bo bumi.
Umwene atile bikyele bwake ukuti abandu aba ku kukighaba ikya Karonga Town bosa baye ni fyakulya na misi amanunu kabalilo kosa yonongwa ukweghapo akaghaba ukutendekesya ma DANIDA ghosa agha ghalekile ukubomba imbombo ukufwana ni mbatiko syake isi isakubabombela abandu abakulubafu ulu linga isile ukusaliwa ukuya mwimilili wa ku nyumba iya ndaghilo kulubafu ulwa Karonga Town.
Nukuti asimikisyile abandu aba kulubafu ulu ukuti ikuya pakutendekesya kangi ma DANIDA ghosa agha ghonangike nukwisa ukubakumbila aghangi ukuti abandu baleke ukutamiwa ukuya na misi amanunu.
Uwakusimba-Austin Sute Kayisi