Isoka iyi yibombiwa pa musi apa Lyton Nyirenda atumiwe na bapapi bake ukuti akeghe imboni iya kuneghela amisi iyi yali pa bupipi nikisiba.
Umwana uyu alyeghile kabalilo ukusita ukughomokela uku aba papi bake bali tumile isi syapelile ukuti uwise uwa mwana uyu ande ukulonda uyu bati alondile kabalilo akatali ukusita ukumwagha ukufikila mpaka ubili uwa mwana uyu walyaghiwe ghukwelela pa mwanya pa misi pakisiba kila abapapi bake batumile ukuti akeghe imboni iya misi.
Nukuti amasyo agha babukile nagho ku polisi iya inandi iya Chilumba uku aba polisi balisile ukwegha ubili ughu ukubuka nagho ku kipatala ikindandi ikya Chilumba uku isya kupima sya simikisiwe ukuti umwana uyu afwile nongwa iya kutunganyila misi.
Nukuti aba polisi basumile abapapi aba bana mwi boma lya Karonga ukuti baye bandu bakuya nabana banandi pabupipi nukubenesya akabalilo kosa linga bali kifuki ni fisiba nikyolondiwa ikya kupoka abana ku soka bo isi.
Lyton Nyirenda afumilagha kaya ka mwalafyale Kayela ku ntemi Wasambo mwi boma lya Karonga.
Uwakusimba-Austin Sute Kayisi