Pakuyobapo pa kabalilo aka kwikakikisya ulubatiko ulu pa lukomano ulu atemile pa Euthini CDSS Mumba asumile abandale kisu muno ukubika ubandu pa kyeni indale ku nyuma.
Mumba atile ukwisa nulubatiko ulwa Mumba Revolving Fund (MUREF) ko kufwanisya isi apilikene na bandu abakulubafu ulu ukuti isakwisa nulubatiko ulu ukuti abandu batuliwe pa bumi bwabo ubwa siku ni siku.
Umwene asusisye kangi aba ndale aba bali nakayilo akakutukana mu ngomano isya kuhaha bandu ukuti basavotele buyo ubwa kubapa abandu ifitukuko isi umwene atile afwanisye ukubika ifitukuko ma sukulu, ma Clinic na ma CBO mosa agha kulubafu ulu.
Pakuyobapo yuba Alice Daka wa Chigomezgo club na Ester Chipofya wa Amazing Club ku Euthini bandaghisye fiyo Mumba ukwisa nulubatiko ulu papo abene nandile kale ukukaba ni ngongole iyi palema yikalikakikisiwe umma.
Palukomano ulu Vitumbiko Mumba abikile kangi ubutuli ubwa fyombo ifya kufwana 48.2 million kwacha ku kipatala ikya Euthini bo mattress kangi ni fyombo ifya kuyengela ubuyo bumo pa kipatala iki nikyolondiwa ikya kuti utubombo tumo tubombeliweghe pa kipatala kikiki.buyi ubwa akwenda ubwendo ubutali ukubuka ku kipatala ikinywamu ikya Mzuzu Central.
Uwakusimba-Austin Sute Kayisi
