Wanthu wakukwiya m’boma la Mulanje wakoma na kotcha dada wa vilimika 35 wa Luka Saluwa pa kumughana-ghanila kuti walikukoma na kulya mama wa viimika 43 wa Rita Makulu mu boma ilo.

Kuyana na muyoghoyeli wa polisi ya m’boma la Mulanje wa Innocent Moses wazomelezga za makani agha ndipo wati kasandasanda wali mukati kuti wamanye ichi chikachitika.

Wa Moses wati wa mama Rita Makulu wakasowa lachitatu apa wakaluta ku mulonga kukatchapa vyovwala na nyengo ya muma 10 koloko na mulenji, nyengo yati ya jumpha yitali kwambula ku welako ku mulonga ndipo wabale wake wakamba kumupenja kufikila dazi la chiwili ili wabale wakhe wakasanga ndopa ku mulonga ichi chikachitiska kuti walute wakaphale ku police ya mu boma la Mulanje.

Pakukhazga kasandasanda wa police, vya sangika kuti po wanthu wakalondezga ndopa mpaka panyumba ya wa dada Saluwa uko wakasanga ndopa na thupi la wa mama agha ili likadumulika na kuliyika mu Fridge.

Ivi vili nthena, wanthu agho akumanyika yayi wakamukola dada uyu na kumukoma kweniso kumuotcha thupi lake.

Kwa sono wapolisi wakupenja wanthu agha akoma dada Saluwa, nakuti y wachenjezga wathu agho wakulanga wekha wanthu agho wakuwang’anang’anira kuti wapalamula mulandu.

Wakulemba… James Kaonga