Ivi vyayowoyeka pa nkhumano iyo wupu uwu ukachitiska pamoza na nyumba zawa tolamakani.
Pakuyoghoya na wapachitengo wa Mawupu ghakwima paghekha muboma la Karonga wa Edgar Phiri wati watolamakani wali na ntchito yikulu yakusambizga wanthu makani ghakukhwaska chisola.
Nakuti wati watolamakani wakwenera kujithasaka kumuchitilo wakulemba makani mwakutemwera.
Pakuyoghoyaposo na yumoza mwa watolamakani kufumira ku wayilesi ya Voice of Livingstonia Walughano Lumbira wati visambizgo ivi wavipokerera makola apo madzuwa ghakusenderera kuti tiponye voti ndipo wachiska watolamakani kugwira ntchito yawo mwa luso.
Paumaliro Mulala wakwendeska ntchito za Fighting inqualities ku wupu wa EAM wa Lusungu Kumwenda Mangochi wati Mawupu pamoza na watolamakani wakwenera kugwira pamoza ntchito munyengo iyi yavisola kwiziska mutende.
Nakuti watiso udindo wa watolamakani nikuwoneseska kuti wakulemba uthenga wakwenerera nyengo zose.
Wupu wa EAM ukugwira ntchito ya Fighting inqualities na wovwili wa ndalama kufumira ku NCA na DCA.
Wakulemba – Thom Tommy Nyirenda
