Mwalwanda ayobile isi apa ali nulubatiko ulwa kwighulila inyumba isya bamanyisi isi ayengile ni ndalama isya munyambi iya CDF pa sukulu iya primary ya Lemero, Ibundya,. Ndembwera, Chiwondo na Chinsogholo.
Leonard Mwalwanda andaghisye ku dongosi uwa kisu iki Dr Lazarus Chakwera nongwa ya ndalama iyi bobapapo iya CDF nukuti kangi asumile ukuti linga asaliwe kangi ukuya mwimilili wa ku nyumba iya ndaghilo kulubafu ulwa Karonga Nyungwe isakubomba ifitukuko fingi fiyo ni indalama iya CDF papo ali nulusubilo ukuti linga Dr Lazarus Chakwera asaliwe kangi isakufyusya indalama iya munyambi iya CDF.
Paumaliro Mwalwanda asumile abanyafyale naba manyisi ukweghapo akaghaba ukupakikisya inyumba isi.
Poyobapo nu manyisi unkulumba (Headteacher) wa pa Lemero Primary School Medson Sakala andaghisye ugindikiwa Leonard Mwalwanda nukwisa nikitukuko ikya nyumba iyi.
Medson Sakala atile inyumba iyi yipotula ukuti abamanyisi indamyo ya kwaghiwa ukwa nyumba pa sukulu sipungukeko.
Poyobapo GVH Mwanyesha 1 atile anubuhobofu fiyo nikitukuko ikya nyumba pwapa sikuya patula ukuti abana bamanyileghe kanunu.
Umwene atile bikuya pwekweghapo akaghaba akakupakikisya kanunu inyumba iyi isi yope asumile aba manyisi na bana pa sukulu iyi ukuti bope baye bandu bakupakikisya inyumba iyi.
Uwakusimba-Tamandani Kasuka Mboma
