Isi siyobwe pa lubatiko ulwa fimanyilo ifi aba CCAP Synod of Livingstonia batendeksyile aba pelelesi aba mwi boma lya Karonga ba bali pasi pa Nyika Media Club ukwendela mulubatiko ulwa Early Childhood Development –ECD ulu bikubomba mwi boma lya Karonga.
Pakuyobapo paumalikisyo ubwa fimanyilo ifi unkulumab ukwenesya ulubatiko ulwa Early Childhood Development ECD mwi boma lya Karonga Iaasc Mnyimbiri atile ukwisa ni fimanyisyo ifi ku bapelelesi kokulonda ukwendela palikimo kangi ukubatula ukufumusya isya lubatiko ulwa ma sukulu gha bana abanandi Early Childhood Development- ECD
Umwene atile ama sukulu agha bana banandi Early Childhood Development -ECD ghakulondiwa fiyo loli bati kuli indamyo fiyo papo bo bwandilo ubwa mwana pa fimanyilo isi bikulonda ukuti babombelembele palikimo mbombo na bapelelesi nikyolondiwa ikya kuti abamanyisi na bana bafikile nubutuli ubwa kufwana ku masukulu agha.
Nukuti unkulumba uwakwenesya isya Early Childhood Development ECD kwi kaselo iya boma lya Karonga Katoto Kamwera atile abapelelesi bakulondiwa fiyo pa lubatiko ulwa Early Childhood Development ECD papo sikuya pakutula abandu nkaya na bakulumba kulumba ukupilikisya ubununu ubwa kutuma umwana ku ma sukulu agha bana abanandi.
Umwene atile abamanyisi abakufwana 1,813 aba bikumanyisya masukulu agha (caregivers) mwi boma lya Karonga abamanyisi 908 bo aba bamanyisiwe pa mbombo iyi loli abamanyisi 905 bo aba bakamanyisiwa umma isi bati ndamyo nywamu fiyo nukuti syosimo sikufulungania ifimanyilo ma sukulu agha bana abanandi Early Childhood Development ECD.
Nukuti yumo mwa bapelelesi aba balipo pa fimanyilo ifi Wezzie Mwangonde ukufumila ku Radio iya Tuntufye FM andaghisye fiyo aba CCAP Synod of Livingstonia ukwisa ni fimanyilo ifi papo fikuya pakubatula pa kasimbilo kabo kambombo pamasyo agha Early Childhood Development -ECD
Uwakusimba-Austin Sute Kayisi