Isi siyobiwe palubatiko ulu umwimilili uwa ku nyumba iya ndaghilo kulubafu ulwa ku mpoto mwi boma lya Karonga Mungasulwa Mwambande abikagha bandu aba bikuya pakuyenga ikipatala ukinandi iki ( Contractor).
Pakuyobapo mbuyo ubwa Mwalafyale Tokondwa Songa uyu yo wapakikota uwa VDC atile ukwisa ukwa kipatala iki bikuya pakutuliwa ukusita ukwenda ubwendo ubutali ukubuka kukipatala ikya Kaporo.
Umwene atile kangi sikuya pakupungusya ifwa isi syabombiwe nongwa iya kwaghilwa ukwa butuli ubwa fyabumi papo bikusubila ikipatala ukinandi ikya Kaporo iki kili pa butali ubwa 15 kilometers.
Pakuyobapo Mungasulwa Mwambande atile akasisye abanyafyale na bandu abakulubafu ulu ukukolelanako na bakuyenga ikipatala iki nikyolondiwa ikyakuti ifyombo ifya kuyengela fisaleke ukwibiwa ukuti ikipatala iki kiyengiwa mwabupakasi.
Ikipatala ukinandi ikya Chisi likuya pakuyengiwa mulubatiko ulwa Presidential Initiative for Health nubutuli ubwa ndalama ukufumila ku Global Fund nukuti indalama isya kukinda 8 hundred million kwacha syo isi sikuya pakubombesyeliwa pa mbombo iyi.
Wakusimba-Tamandani Kasuka Mboma