Nukuti abandu aba yo Gerald Mwakaswaya uyu isakwimila ikipani iki pa kikota ikya mwimilili uwa ku nyumba iya ndaghilo kulubafu ulwa Karonga Lufilya,Dokas Gumbo uyu sakwimila ku kighaba ikya Rukuru North ukuya kasalala na Clement Mwakyanjala uyu isamwima pakikota ikya bukasalala ku kighaba ikya Kaporo.
Pakuyobapo na Dokas Gumbo atile ingile ikipani ikya PETRA nongwa iya mbatiko inunu isya kipani iki kangi bati syakulondiwa ukufyusya ikipani ikya ku kighaba ikya ku mpoto papo kabalilo kingi bikwingila ifipani ifya ku fighaba ifingi.
Nukuti atile abandu aba kisu muno basubileghe ukwanduka ukwa kisu iki pa fitukuko papo bali nulusubilo nudongosi uwa kipani iki Kamuzu Chiwambo.
Pakuyobapo nu nkulumba uwakwenesya isya kufumusya amasyo ku kipani ikya PETRA Shola Kaonga atile ukwisa mwi boma Karonga nongwa ya bandu aba bakighanile ikipani iki ukuti bimile pa fisalo ifya pa 16 September ikinja iki mwakulongosiwa nu dongosi uwakipani iki.
Nukuti asubile abina Malawi ukwiyumila pakubomba imbombo bo ukulimi ubulimi ubwa konelelana papo syo mbatiko isya kipani kyabo ukumasya injala kangi nukumasya akayilo akamahongo.
Uwakusimba-Austin Sute Kayisi