Daniel Mwanyongo Chitonya ayobile amasyo agha pakabalilo akakubika ubutuli ubwa fyakulya ku bandu aba bapopile pa buyo bumo (Camp).
Umwene atile kwalino ulu ubwingi ubwa abandu aba bapalamasiwe nindamyo iyi bufyukile fiyo apa inyumba isya kufwana 271 syo sipamasiwe uleghanisya ni nyumba isyakufwana 34 isi sya bapalamasiwe pa bwandilo.
Nukuti atile bati biya pakubika imbatiko nuluyoba ku boma kuti abandu aba kulubafu ulu bapokiwe ku ndamyo iya kuteka kwa misi.
Daniel Mwanyongo Chitonya abikile ubutuli ubwa ubutuli,soya peaces,umunyu, ama belo gha sugar na mafuta ghopiyila kangi ndalama isya kufwana 250,000 kwacha ku bandu aba bali pa buyo ubu (Camp).
Pakuyoba nu pakikota uwa komiti uwa pa buyo ubu Dawa Namphachi atile ukufwana nuketa kwa misi uku kubapalamasye fiyo papo ifyombo ni fyakulya fyabo fyosa fibukile na masi.
Nukuti andaghisye fiyo Daniel Mwanyongo Chitonya ukufwana nubutuli ubu isi asumile kangi iboma na bandu abakulondela ifinunu ukubatulapo.
Nukuti PGVH Mwahimba Mwakifwamba atile ubutuli ubu isile nabo Daniel Mwanyongo Chitonya bwisile kabalilo kake papo abandu aba bali pa buyo ubu bakali na pabukolo na pamo papo bakanako nakamo ukufwana ni ndamyo iyi yibaghile.
Unsimba-Austin Sute Kayisi.