Unjobeli uwa police mwi boma lya Karonga Magret Msiska asimikisye isya isoka iyi atile yibombiwe pa bupipi na pa buyo ubwa kunwesyela amafuta iya Mouth Meru Filling Station pa Ipyana mwi boma lya Karonga.
Umwene atile isoka iyi yibombiwe nongwa iyakuti uyu akendesyagha ighali ili Diverson Tembo ili nambala yake yo BW 7381 atoliwe ukuligholosya kanunu papo likabopagha fiyo isi syapelile ukuti lileke usebo nukughalabuka ili lyafumagha mu town iya Karonga yabukagha ku Chilumba umu bakwelilemo abandu bakufwana bahano nayumo (6).
Nukuti atile aba bafwile Diverson Tembo wafinja 22 wa nkaya ka Mwalafyale Kwiyula,Alick Mwamonje wafinja 24 na Hilton Mwamonje wa finja 25 ba nkaya ka Mwalafyale Mwangolera bosa ku ntemi uwa batemi Dr Kyungu mwi boma lya Karonga.
Msiska atile abandu aba bafwile bo bakwambilila ubutuli pa kipatala ikinywamu ikya Karonga.
Uwakusimba-Austin Sute Kayisi