Pakuyobapo na ba komiti aba Neighbourhood Mwamulima ukufumila kwa Mwalafyale PGVH Mwahimba Mwakifwamba na Morgan Kakangula ukufuma kwa Mwalafyale SGVH Malema1 batile abanyafyale babombile isi ukufwana ni ndamyo iyi balyambilile pa kipatala iki ukuti bakaya na misi amanunu.
Nukuti bandaghisye abanyafyale aba ukusakulisania kanandi kanandi ukuti bule ifyombo nukubika amisi amanunu pa kipata pakipata iki.
Pakuyobapo kasalala uwa kighaba ikya Kaluma North Myness Mwalweni andaghisye abanyafyale aba pakweghapo akaghaba ukubika amisi pa kipatala iki isi bati sikuya pakutula pa masyo gha bwifyusi.
Nukuti atile ukuya kasalala yope ikuya pakweghapo ukula ifyombo ukuti amisi agha ghafike kangi nkati kipatala ma office agha bakubomba imbombo umu mope amisi ghakayamo umma.
Nukuti unkulumba uwa kipatala iki Belium Mwenekibombwe atile syakuhobosya fiyo pa isi babombile abanyafyale aba papo sikuya pakutula pa masyo agha bwifyusi kangi amisi bo bumi.
Unsimbi-Austin Sute Kayisi