Ayobile isi yo ntimi uwa kipanga ikya Bethel African Church Rev Sam Mvula palubatiko ulwa kusekela ukuti afwanisye ifinja buna (4) pa mbombo yake iya butimi.
Umwene atile ukufuma apa alyandile imbombo iya butimi ukufika lino afwanisya ifinja buna (4) aghene ni ndamyo kangi ni ngelo fiyo isi bati syakulondiwa ukuti abatimi babaghile ukwiyipa nukwiyumila pa mbombo iya kubombela kyala isi bati kangi sikuya pakutula ukuti aye mundu wakwiyumila nukwikasya pa mbombo yake.
Nukuti asumile abatimi aba finga ifya kukindana kindana ukuya bandu bakwiyumila fiyo pa mbombo iya kyala ukusita ukuketa indamyo pamo ingelo isi bikwaghana nasyo pa butimi bwabo.
Nukuti andaghisye fiyo abandu bosa aba balisile palubatiko ulu isi sinangisye ulughano pa mbombo iya kyala pa kipanga kyabo.
Paumalikisyo Rev Mvula asumile kangi abatimi abinake aba kukindana kindana mwi boma lya Karonga ukuti baye bandu bakweghapo akaghaba ukwiputila ikisu iki apa kili nikisalo pa 16 September ikinja iki ukuti kisenda kanunu pakubabula abandu isya bwanaloli fipanga fyabo pa masyo agha kisalo
Uwakusimba-Austin Sute Kayisi