Ayobile isi yo nkulumba ukwenesya utubomSbo ku kibughatila ikya Evangelical Association of Malawi mwi boma lya Karonga Lusungu Kumwenda Mangochi pa fimanyilo ifi ikibughatila iki kyatendekesyile amakomiti agha kwenesya isya migodi kulubafu ulwa ku ntemi Kilupula, Kyungu na Wasambo mwi boma lya Karonga.
Umwene atile amakomiti ghabile ukuya nubupakasi ubwa fimanyilo pa kabombelo kabo aka mbombo ukuti bope bakabeghe ukwendela ku migodi iyi yikubombiwa nkaya kabo papo kabalilo kingi abandu bitikukaba umma ukufuma ku migodi iyi yili nkaya kabo.
Nukuti asumile abakomiti aba bali pafimanyilo ifi ukuti bakabombe imbombo yabo mwabupakasi ukwafwana nifimanyilo ifi.
Pakuyobapo Spenser Mwalweni uwa pakikota uwa kwenesya imigodi ku ntemi Wasambo atile sya bwanaloli ukuti abandu aba basyungutile imigodi kulubafu lwabo batikukaba umma bo pakusamisye abandu kangi nukusita ukubaboombela ifitukuko ifi bikupilikana nabo nukuti ifimanyilo ifi fisile kabalilo kake ukuti bope bakabeghe ni migodi iyi yikubombiwa kulubafu lwabo.
Paumalikisyo ukulumba uwa kwenesya isya fipeliwe ku kaselo iya boma lya Karonga Khumbo Mbeye atile ukwisa ukwa Evangelical Association of Malawi nifimanyilo ifi balinusubilo ifindu fikuya pakwanduka pa kendelo aka migodi ku bafu isya kukindana kindana ukuti aliwesa eghengepo akaghaba pa masyo aghekendesyelo ka mbombo isya migodi.
Kangi bati sikuya pakutula fiyo ukutwala palikimo abandu aba nkaya uku kukubombiwako imigodi na bene migodi ukubika ubukamu ubununu ukuti abandu aba basyungutile bakabeghe ni migodi iyi.
Evangelical Association of Malawi kili nulubatiko ulwa Fighting Inequality ku ntemi Kilupula,Kyungu na Wasambo kwa finja fihano nubutuli ubwa ndalama ukufumila ku Norwegian Church Aid na Danish Church Aid
Uwakusimba-Austin Sute Kayisi