Ayobile amasyo agha yo nkulumba uwa kwenesya bukolelanisi nubukamu ku First Capital Bank ku kighaba ikya ku mpoto Allan Njinkho pa kabalilo akakukolenisya imbombo uwa kuyenga (Contractor) ama sola agha magesi agha musebo gha kufwana 50 (Solar-power street light) agha ghikuya pakubikiwa misebo iya pa Karonga Town.
Njinkho atile ukwisa nubutuli ubu bwisile nongwa iya busume ubu ikaselo iya boma lya Karonga ya sumile ukuti imisebo iya pa Karonga Town yikuya ningisa fiyo polelo ukufwana ni mbombo yabo iyi bikubomba mwi boma lya Karonga kyokimo iki kipelile ukuti bise nubutuli ubu isi asumile abandu aba pa Karonga Town ukupakikisya ifyombo ifi linga fyabikiwa.
Pakuyobapo nu nkulumba uwa Karonga Town Council (Chief Excutive Officer) Margret Kunje andaghisye aba First Capital Bank ukufwana nubutuli ubu isi bati bwisile kabalilo kake papo amagesi agha musebo agha ghikuya pakutula pa masyo agha kifighililo pa Karonga Town nukuti asumile ifibughatila ifingi ukutulapo fyope muno babombile aba First Capital Bank.
Nukuti Grace Msukwa uyu yo nkulumba uwa Mwenekumbilo Construction asimikisyile ikaselo na baFirst Capital Bank ukuti imbombo iya kubika amagesi 50 agha misebo yikuyapakubombiwa pa masiku mahano na mabili (7)
Unsimba-Austin Sute Kayisi