Ivi vyayowoyeka pa ungano uwu wupu uwu wangonozga pa Hangalawe TDC ku Uliwa apa wupu wa Registrar of Political Parties wangonozga ungano apo pakuwapo wavipani,waliska na mafumu.
Nakuti mlala wakuona ndondomeko ku wupu wa Registrar of Political Parties wa Eden Mzumara wati muchitilo uwu wakhala ukuchitika chomene apa wati kwa sono watumizgapo milandu ikhonde(5) yakuswa dango pa muchitilo uwu ku wupu wa Director of Public Prosecutions (DPP).
Mlala wakuona vya visola mu boma la Karonga wa Elias Nyirenda wati nkhumano iyi yanguwa yiwemi chomene chifukwa nyengo zinandi wakhala wakufumbika mafumbo ya vyakupeleka (handouts ) sono kwiza kwa wupu wa Registrar of Political Parties ku chigawa ichi kwa zgola vinandi.
Wa Nyirenda wachiskaso wanthu awa watilapo lwande pa chisola ichi kuwa na nkhumano za bata na mutende.
Tamara Mhango wakumilila pa yekha na wa Robert Koyi Kondowe uyu wamilila chipani cha PP waonga wupu wa Registrar of Political Parties kwiza na visambizgo ivi nakuti wasimikizga kuti ma ungano yawo kuwa ya bata na mutende na chakulata chakuti wazakawe na chisola chiwemi pa 30 June 2026 ku chigawa ichi.
Wakulemba -Austin Sute Kayisi