Isi siyobiwe palubatiko ulwa kwighulila ikipatala ikya banyela ikya “Pamoza Youth One Stop Centre”iki kiyengiwe kwa mwalafyale Mwambetania ku ntemi uwa batemi Kyungu mwi boma lya Karonga ni kibughatila ikya Pamoza Youth Tingakwaniska.
Pakuyobapo na Yusuf Salim ukufumila ku kipatala ikya boma lya Karonga atile alibuhobofu fiyo ukufwana nukwighuliwa ikya kipatapala iki papo abanyela bikuya pakutuliwa ukubwagha ubutuli ubwa bufyele ubununu isi sikuya pakupungula kangi ubwingi ku banyela aba bikwegha imbungo ni nyanda pa kughonana kisita ukwipakikisya.
Nukuti Lapken Liwago uyu yo nkulumba uwa banyela ku kaselo iya boma lya Karonga tile ukufwana ni mbatiko isya bakipatala ikinywamu ikya boma lya Karonga sikunangisya ukuti abanyela bingi bikwaghana ni ndamyo ukubwagha ubutuli pa isya bufyele ubunu yonongwa bati bikwegha imbungo,Inyanda kisita ukwitendekesya kangi nukusosya Inyanda.
Pakuyobapo Walusungu Kaseghe uyu wapakikota uwa banyela ku Mbande ADC atile ukuya banyela batamiwe akabalilo akatali ukusita ukuya nubuyo ubwa banyela ubwa kwambililako ubutuli fiyo pa isya bufyele ubununu isi asumile abanyela abinake ukubombeysla imbombo ikipatala iki.
Paumalikisyo uwa kibili ku uwa pakikota uwa kibughatila ikya Pamoza Youth Tingakwaniska Jabes Flywell Nyirenda atile abene balyanesisye ukuti mwi boma lya Karonga bukayapo ubuyo ubwa kuti abanyela baghaneghe nukwambililako ubutuli pa bumi bwabo fiyo bo isya bufyele ununu yo nongwa bayengile ikyumba iki.
Ikibughatila ikya Pamoza Youth Tingakwaniska kiyengile ikipatala iki nubutuli ubwa ndalama ukufumila ku Breukmann Foundation and German Government Federal Ministry for Economic Cooperation Development
Uwakusimba-Austin Sute Kayisi