Hestings Msiska alwanagha na Bright Mwalughali pa fisalo ifi nukuti Hestings Msiska ali na mavoti 277 apa Bright Mwalughali ali na mavoti buna(4).
Pakuyobapo Hestings Msiska andaghisye fiyo abandu aba balyaghilepo akaghaba ukwisa pafisalo ifi.
Msiska asimikisyile abandu aba ku lubafu ulwa Karonga Lufilya ukuti bayeghe itolo nulusubilo myake pa masyo agha fitukuko linga isile ukusaliwa ukuya mwimilili wa ku nyumba iya ndaghilo kulubafu ulu pa 16 September ikinja iki.
Nukuti uwakibili ku nkulumba uwa kipani ikya DPP ku kighaba ikya ku mpoto Smart Mwakayira atile ifisalo ifya palubafu (primary elections) mwi boma lya Karonga fyendile kanunu fiyo kisita nywegho.
Mwakayila andaghisye fiyo abandu bosa abakipani ikya DPP aba balisile pa fisalo ifi papo basalile mbutengamoyo ukufwana ni mbatiko isya kipani kyabo isi bati syakuhobosya fiyo.
Nukuti pafisalo bo ifi kulubafu ulwa Karonga South Grad Chembe Munthali yo uyu asaliwe ku kipani ikya DPP nukuti akalwana na Bright Musuku.
Uwakusimba-Austin Sute Kayisi