Isi siyobiwe apa ikibughatila ikya Greenbelt Authority kyabika imbombo iya kaghaba aka bubili akakuyenga Nthola-Ilola Irrigation Scheme kangi ni kigayo ikya mpunga mwi boma lya Karonga ku bandu aba bikuya pakubomba imbombo iyi aba bo ba Kabiki and Parners,Sico Civils kangi na China Civil Engineering Construction Company.
Pakuyobapo unkulumba uwakwenesya isya buyengi (Infrastructure Development) ku kibughatila ikya Greenbelt Authority Snowden Kautsi itikisye ukuti imbombo iyi yikabile ukumalika no ngwa iya ndamyo isya ndalama nukuti nkwalino bali nulusubilo ukuti imbombo iyi yikuya pakwenda kanunu papo iboma libikile indalama isya kufwan 14 billion kwacha isya kuti babombele imbombo iyi.
Nukuti atile imbombo simo isi sikuya pakubombiwa ko kuyenga ukwa fyumba fibili ifyakusungilamo ifyombo na ma ofesi pa kigayo kangi ukuyenga imifolo iya kwendamo amisi ku scheme.
Pakuyobapo unsimbi uwa balimi ku kakundi ka Nthola-Ilola Cooperative Alick Nthakomwa atile ali nubuhobofu fiyo ukuti imbombo iyi yikuya pakwanda kangi isi bati ukuya balimi bitendekisye ukulima umpunga umwingi ukuti ghufikile paliposa.
Nukuti unkulumba uwa kwenesya isya bulimi ubwa konelela mwi boma lya Karonga John Bvutula imbombo iya kuyenga scheme iya Nthola-Ilola yikuya pakutula fiyo iboma pa mabtiko isya kitukuko isya 2063 pakufyusya abalimi pa masyo agha kyuma nukuti kangi bayeghe nifyakulya ifya kufwana.
Bvutla ndaghisye fiyo ikibughatila ikya Greenbelt Authority ukufwaa ni mbombo papo linga bati yimalike yikuya pakufyusya abalimi aba mpunga mwi boma lya Karonga.
Scheme iya Nthola-Ilola iya bunywamu ubwa bighunda iya kufwana 357 hectares iay bulimi ubwa konelela.
Uwakusimba-Austin Sute Kayisi