Isi syaghiwe apa ikibughatila iki kyatendelisye ifimanyilo ku ba manyisi aba ma sukulu gha ma CBCC bakufwana 35 isi sili ku ntemi Kyungu na ku ntemi Kilupula.
Unkulumba uwa kibughatila ikya Foundation for Community and Support Services -FOCUS Cossam Munthali atile babikile ubupakasi ubwa afimanyilo ifi ukuya yo njila yimo iyakufyusya pa kyeni ifimanyilo ifya bana ma sukulu gha ma CBCC fibuke pakyeni.
Umwene atile aba manyisi aba ma sukulu gha ma CBCC kabalilo aba bikwitughala nkaya fiyo bitikuya nulusako ukwa kuya nifimanyiko bo ifi.
Pakuyobapo yumo mwa bamanyisi aba bamanyile ifimanyilo ifi Ethel Simbeye ukufumila kwa Mwafilaso 2 atile ifimanyilo ifi fikuya pakubatula ukuti bamanyisyeghe kanunu abana mu ma sukulu gha ma CBCC umu bikufumila isi sikuya pakuleghana na kunyuma uko.
Paumalikisyo unkulumba ukwenesya ofesi iya kapakikisyilo ka bandu Henry Mushanga andaghisye fiyo ikibughatila ikya FOCUS nongwa ya fimanyilo ifi papo iboma palyene likabaghila ufwanisya umma pa mbombo iyi.
Nukuti paumalikisyo ubwa fimanyilo ifi aba manyisi aba ma CBCC bakyambilile kangi ma solar kangi na ma lyamya amanywamu(tablet) agha kubombesyela imbombo pa CBCC.
Ikibughatila ikya Foundation for Community and Support Services-FOCUS kyatendelisye ifimanyilo ifya masiku ilongo lino(10) nubutuli ubwa ndalama ukufumila ku Chance durch Bildung kisu kya Germany.
Uwakusimba-Austin Sute Kayisi