Ikoloti lya pilike ukuti Paulendo Ng’ambi ali nkulumba (Head teacher) wa pa sukulu iya Lufilya primary atulile inongwa iyi pa 10 November 2025.
Nukuti umwana uyu bati Ali wa mwi kilasi ilya buhano nubili (Std 7) nukuti pakabalilo ako ali na banine nukuti Ng’ambi alikolile umwana uyu mu office yake nukuti alimbulile ukuti akonge ku nyumba yake uku aye kughona nawe.
Pakabalilo akabulongi uyu alimilile inongwa kulubafu ulwa boma Prosecutor Constable Victor Jossam alibulile ikoloti ukuti bati Ng’ambi ali mbulile umwana uyu ukuti angatila umma papo ukasi wake abukile kufwa nukuti bati bo aghonile nawe alimbulile ukuti ingayoba nakumo isya masyo agha papo ikuya pakumulila ifya ku simbamo (noted books) ni fya kusimbila (ballpoint pens).
Prosecutor Jossam asumile ikoloti ukubika ulutumulilo ulukafu fiyo kwa Ng’ambi papo afulungenie ubwabuke ubwa mwana pa bumi bwake kangi bati akayilo aka kabele fiyo mwi boma lya Karonga.
Pakabalilo akakubika ulutumulilo Senior Resident Magistrate Ephraim Chikwawa akolele nu wa kulubafu ulwa boma pa nongwa iyi nukuti atumwile Paulendo Ng’ambi ukuti akitughale ku nyololo ifinja ilongo limo ni finja buna (14) nukwakubomba imbombo ingafu.
Paulendo Ng’ambi ikufumila nkaya ka Mwalafyale Amos ku ntemi uwa batemi Kyungu mwi boma lya Karonga.
Unsimba-Austin Sute Kayisi