Mwimilili wa ku mphala ya malango ku chigawa cha Karonga Town, Daniel Chitonya Mwanyongo, wapeleka vyawanangwa vyakupambanampambana vya ndalama zakukwana pafupifupi 4 million kwacha ku chipatala cha Karonga Old Hospital kuti vyovwire pa milimo ya ukhonkho pa chipatala ichi.

Pakuyowoya mwa nyengo iyo wapelekanga vyawanangwa ivi, Chitonya wati wasankha kuwovwira chipatala ichi chifukwa chakuti chikukumana na masuzgo ghanandi, kusazgapo kusoŵa kwa vinthu vyakukhumbikwa ivyo vikovwira ŵalwari ndiposo na ŵantchito ŵa zaumoyo.

Chitonya watiso vyawanangwa ivi vikusazgapo vinthu vyakupyepyetulira na vinyake vyakukhumbikwa ivyo vilikhwaskana na kovwira chipatala ichi kuti chiŵe chakutowa ndiposo chamalo ghawemi.

Iwo wazomerezga kuti chipatala ichi chichali kukumana na masuzgo ghanandi ndipo walayizga kuti wapelekenge wovwiri unyake chomene kukhala apo chuma chizamuŵira chakukwana.

Wavumbura so ndandanda yakunozga malo agha, kusazgapo kuzenga chipinda cha ŵamama ŵanthumazi (maternity wing), icho wakati chizamovwira kuti chipatala ichi chambe kugoneka ŵalwari.

Pakuyobapo Mulongozgi wa Karonga Old Hospital, Bellings Mwenikiwombwe wati chipatala ichi chikukumana na masuzgo ghanandi, kusazgapo kusoŵa kwa ŵantchito ŵa zaumoyo ndiposo na nyumba za ŵantchito, ivyo wakati vikukhumbika kovwirika mwaluŵiro chomene.

Iwo wangonso chomene wa Chitonya kuyana na ovwili uwu nakuti wati wiza munyengo yake kuyana na masuzgo aya yalipo pa chipatala ichi.

Nakuti ovwili uwu wapelekeka pa chipatala ichi ni chroline,ma glove,vikolopa, soap, Sanitize,split,majombo kweni na katundu munyakhe.

Wakulemba :Austin Sute Kayisi