Isi siyobiwe palubatiko ulwa kwi kakikisya ku ulubatiko injila isya kutula ukufighilila pakutula ukukwabiwa ukwamfu uwa mbolela ulu lwabombeliwagha ku Kafupi Area ku Lupembe EPA ulu lwatendekesiwe ni kaselo iya boma lya Karonga.
Pakuyobapo unkulumba uwa fya bulimi mwi boma lya Karonga Youngs Afred Nyirenda atile ukubombesyela injila isya kusunga amisi siangisye ukuti situlile fiyo pa tubombo utwa bulimi.
Umwene atile kangi bo kulubafu ulwa Lupemebe uku ifula yikutamya bati abalimi babaghile ukuti babombeleghe injila isi ukuti batuliweghe pa funjo wabo.
Nukuti unkulumba uwa kwendesya ulubatiko ulwa SOLDEV PASI PA Synod iya Livingstonia Kenneth Sakala kubuyo ubu ifula yikutamya bo kulubafu ulwa Lupembe syakulondiwa fiyo abalimi babombesyele ulubatiko bo ulu kangi nukukumba imina iya ukuti amisi ghasungiweghe nikyolondiwa ikya kuya nufunjo.
Pakuyobapo na Eden Sichali uyu Foreman uwa Lupembe Catchment Area andaghisye fiyo ofesi iya fyabulimi ukwisa nubumanyisi bo ubu papo batuliwe fiyo kulubafu lwabo kangi bakasiwe bikubyala imipiki umu amisi ghikutamya ukuti baghapakikisye ukubuka mighunda iya bandu.
Ulubatiko ulu lwabombiwe pantu wakuti “ukupakikisya ifipeliwe mwakukolelanako; bo bwandilo ubwa kufyagha ifyakulya fingi,kalyero akanunu ni kyuma ikyakufwana ukuti ikitukuko kikakikisiwe”.
Uwakusimba-Austin Sute Kayisi