Isi syaghiwe apa ikibughatila ikya Evangelical Association of Malawi -EAM kyali nulubatiko ulwa kwendela abandu aba kwa Mwalafyale SGVH Katumbi na GVH Simion ku Ntemi STA Kilupula mwi boma ilya Karonga
Poyobapo na Codinator wa kibughatila ikya Evangelical association of Malawi Lusungu Kumwenda Mangochi atile batendekisye ulubatiko ulwa kwendela abandu aba nikyolondiwa ikya kuti bamanye indamyo isi bikwaghana nasyo pa masyo agha Migodi fiyo kangi ukuti bamanye bwabuke bwabo.
Umwene atile ukufwana na muno bendile ubuyo bubili ubu syaghiwe ukuti abandi aba basyungutile migodi bati kukaba umma na na ma kampani agha ghikubomba utubombo utwa migodi.
Nukuti atile kangi abandu bingi bikuya nubogha ukuyoba pabwelu indamyo isi bikwaghana nasyo nukuti asumile abandu aba basyungutile migodi babaghile ukwisa pa bwelu ukuyoba pa ndayo isi bikwagha nasyo.
Poyobapo nu wapakikota uw akomiti iya kitukuko uwa Kilupula ADC Clement Kita andaghisye aba Evangelical Association of Malawi -EAM ukuya nulubatiko ulwa ukwendela abandu ukuti banye indamyo isi wakwaghana nasyo kangi nukumanyisyapo isya bwabuke bwabo fiyo pa migodi iyi yikubombiwa ntwaya twabo papo bati sikuya pakutula ku bandu aba basyungutile kangi na aba bikubomba imbombo migodi.
Poyobapo GVH Simion yope andaghisye fiyo aba Evangelical Association of Malawi -EAM nukwisa nukubamanyisya abandu isyakuti bamanye isya bwabuke bwabo pa migodi iyi yikubombiwa ntwaya twabo papo lino bamanya isya kubomba pa masyo agha migodi.
Nukuti atile syabwanaloli ukuti abandu aba bikubomba utubombo utwa mugodi batikufwanisya umma isi bapilike nabo ukuti bisa kubabombela.
Ikibughatila ikya Evangelical Association of Malawi kikunomba ulubatiko ulwa Fighting Equalities ku ntemi STA Wasambo,Kilupula na ku ntemi uwa batemi Kyungu mwi boma lya Karonga nubutuli ubwa ndalama ukufumila ku Norwegian Church Aid-ACA
Wakusimba – Tamandani Kasuka mboma