Rev Kamisa ayobile masyo agha pakipanga ikya Rukuru CCAP mwi boma lya Karonga pakabalilo akakufwika untemi Kalonga umwenda uwa mu kakundi ka Madodana.
Umwene atile kindu kya nkulondiwa fiyo iki abombile untemi Kalonga ukwingila mu kakundi aka isi sinangisye ukuti aganile kyala wake pa kubombela imbombo yo nongwa umwene ukuya Moderator yo isile kulubatiko ulu papo linga pangaya ubukolelanisi pa fipanga nubunyafyale ifindu fibaghile ukwenda kanunu fiyo kisu muno.
Pakuyobapo untemi Kalonga atile bwikyele bwake ukuti ingile ka kundi ka Madodana nikyolondiwa ikya kukindilila ukigindika kyala wake papo bati papipwe bupapi ubwa kumanya kyala.
Nukuti andaghisye fiyo abandi bosa aba basilile pa lubatiko ulu kangi nifyabupi ifi babikile ku mwene papo fyosa ghali mahala ni mbatiko isya kyala ukuti fiye bo ulu.
Pakuyobapo umwimili uwa kuyumba iya ndaghilo kulubafu ulwa Karonga Town Daniel Mwanyongo Chitonya atile syakuhobosya fiyo ukufwana nulubatiko ulu untemi Kalonga inangisye kwa kyala wake.
Nukuti Chitonya abikile kangi nikyabupi ikya kitukutuku ikya ndalama isya kufwana 4.1 million kwacha ku ntemi Kalonga ukuti kitule amendelo agha ku buka ku kipanga ukufwana na muno iyipile ku mbombo iya kubombela kyala wake.
Unsimbi Austin Sute Kayisi