Bishop Chiona ayobile amasyo agha pakabalilo akakubika ubutuli ubwa sugar ku bakangale bakufwana 27 ba nkaya ka Mwalafyale Malema 2 Mwakiyo mwi boma lya Karonga.
Umwene atile ukuya kipanga bali nulubatiko ulwa kubapa abakangale ubutuli ubu ukuya yo njila yimo iya kupungusya simo mwa ndamyo isi bikwaghana nasyo bo ifipahu kangi nukutunduliwa ubulosi.
Nukuti atile kabalilo kingi abakangale bikutoliwa ukubomba imbombo yiliyosa polelo ukuya kipanga bikuya pakukindilila ukubika ubutuli ubwa kukindana kindana.
Pakuyobapo yumo mwa bakangale aba bambilile ubutuli ubu Ireen Khunga andaghisye ikipanga iki mwakulongosiwa nu Bishop Rabson Chiona ukufwana nu butuli bo ubu papo mundu wakwaghilwa ifindu fingi pa bumi bwake ubwa isiku ni siku.
Nukuti ubutuli ubwa sugar ubu bwali bwa ndalama isya ukufwana 300 thousand kwacha.
Unsimbi-Austin Sute Kayisi