Wayowoya ivi ni wa pa chitengo wa khaselo ya boma la Karonga wa Belium Msukwa pa mlimo wa kulailana na wachinyamata wakukwana 15 awo wamalizga masambilo ya ntchito za maoko (Graduation) ayo yakanozgela na wupu wa FOCUS nakukolena na Plan Malawi kweniso wa TEVETA.
Wa Belium Msukwa awonso wakawa mulendo wa ku chindikika pa mulimo uwu wati wa chinyamata baleke kugomezga ntchito za mu ma ofesi pela yayi chifukwa ni wose wangalembeka yayi kweni wakwenela kuwikapo mtima pa ntchito za maoko.
Ndipo wawonga chomene wupu wa FOCUS kuyana na masambilo aya chifukwa yapindulilenge wachinyamata wanandi.
Pakuyowoya na yumo mwa wachinyamata awa wangutolapo lwande pa masambilo aya wa Chikosa Mwagomba wawonga wupu wa FOCUS chifukwa yawavwilenge wachinyamata kujimila pa wekha kweniso kulemba wachinyamata wanyawo ntchito.
Nakuti mlala wa wupu wa TEVETA ku chigawa cha ku mpoto masambilo ya ntchito za maoko ni nthowa yimoza yakuti yingalutiska pa nthazi zintchito mu chalo muno.
Paumalilo mlala wa wupu wa FOCUS wa Kossam Munthali wati vyose ivi vya chitika kwendela mu mulimo wa “Child Not Pride” nachakulata cha kutukula umoyo wachinyamata ku wa wanthu wakujiyimila pa wekha.
Wakulemba: Austin Sute Kayisi